سَرْ مُولاَةْ الْخَالَه
( يْبَانْ فـْالشَّعَالَه )

1
الـْخَالَـَهْ فَـ الـْحَـنْـكْ وَرْدَهْ، وَالـْعَـيْـن فـ الَـَوْجَهْ مْخَـدَّهْ
تـْوَسـَّدْ وُنَـامْ.. فـْْ جَـنَّـة ْ لـَحـْلاَمْ
والـْحُجـْبـَانْ(؟)
عـنـْْـوَانْ لاَمـَانْ لـْقـَلـْبـِي.. بـَانْ.

رَفـْرَفْ لـَحْـمَـامْ فـْ قـَلـْبـِي .. وَتـْغـَدَّا،

تـْغـَدَّا عـَشـْقْ وُاغـْرَامْ
ُتـْعـَدَّا نـَصـْبـَة ْ لـَخـْيـَامْ،
تـْوَسـَّدْ وُنـَامْ، بـَسـْمـَة ْ اغْـمـَامْ الـْبـَلـْدَه.

وَتـْجـَارَا لِـيـَّامْ.. لاَبـُدَّ
فـَعـْيـُونْ لـَفـْجـَرْ، فـْ طـُولْ لـَبْـصـَرْ
مَ قـَدِّيـتْ عْـلـَى صْبـَرْ.

2
الـْخَالَـَهْ فَـ الـْحَـنْـكْ وَرْدَهْ، وَالـْعَـيْـن فـ الَـَوْجَهْ مْخَدَّهْ
وُالـْحُـلـْمْ (؟).. وُالـْفـُمْ (؟) بـُوسـَه ْ
وُاحْـبـٍيـبْـتٍـي لـَعـْرُوسـَهْ.

تـَرْقـُصْ الـْوَرْدَهْ فـَ الـْخـَدْ،
وتْجُـولْ..
وتْقُـول ْ
تخْبَرْ، تْبَشَّرْ وتَعْرَضْ
يعلا لعلام
يكبر لمقام..
والحساد يموتو بالضد.

3
الـْخَالَـَهْ فَـ الـْحَـنْـكْ وَرْدَهْ، وَالـْعَـيْـن فـ الَـَوْجَهْ مْخَدَّهْ
والنّْيوف (؟) كون تشوف
يالسَّاقي من بِير لمحبة

احبيبتي شمس وكمرا
فحبها أنا بامحايني نبرا
فكل شجرة.. هي ثمرة
فكل صوت.. هي زغاريت، هي نبرة...

هي زينة لحشام، هي رافضة للثام
هي بدية لكلام، هي خُضرا وطعام
ولذة...

4
الـْخَالَـَهْ فَـ الـْحَـنْـكْ وَرْدَهْ، وَالـْعَـيْـن فـ الَـَوْجَهْ مْخَدَّهْ
والشّْعَرْ(؟) سَالَفْ
يا التَّالف
ربيع تشوفو غدا..
والنهود(؟) حراس لحدود
قُرْطَاسْ
يْبَانُو زرود،
وتبان السُُّربة، ويبان البارود
طَرْدَكـ^ْ يارفيق فالكـ^ـُـود..

5
الـْخَالَـَهْ فَـ الـْحَـنْـكْ وَرْدَهْ، وَالـْعَـيْـن فـ الَـَوْجَهْ مْخَدَّهْ
ولعْنَيَّكـ^ْ(؟) دْمَيَّمْ حْمَرْ
جمر، يشعل يْضَوّي حُرْ
يحرق لعدا..............

يطول الليل واللاَّيَقْصَر، احبيبتي فْحَالي .. تَنْظُرْ!...