زوادتك ف احشاك-فتاحي حسناء-الدار البيضاء-المغرب
 
 
   زجل  >> زوادتك ف احشاك


توسدت وجعي
 و غفيت على رجايا
و شفت شللا حوايج
 ف تيهي
 اللي فات و اللي مازال
يلا كان اللي جاي
 أكتر من اللي فات
يا حيرتي
 و يا وليعة حالي.
اللي ف حقي ندوزو
و اللي جابها
 الزمان تعدي
قالوها اللوالا:
 عدّات و بدّات
و خدات معاها
طرف من الدات.
و آش بقى ف الدات
 ما تاخد هذيك
 اللي مازال ما عدّات ؟

عارف الوجع
 يخللي مولاه يهلوس
و الدات الصحيحة ترزم
و النفس العالية تشد الأرض.

المريض لا حرج عليه
بالحق اليوم
 ما بقى حد يعذر
 الشكوى مذلة
و الوهن عاهة
 و اللي نطق آحياني
يرميوه ف بير
 غارقة منسية
و ما يبقى حد
  يحسب بيه.

قلت لراسي
 اجمع راسك
و لصق طرافك
 اللي بقات
و تدفى بيها
 و تحصن بعزمك
 و خللي عنايتك
 هي زادك ف ايامك
ما يجيك جوع
زوادتك ف احشاك
و لا تحس بحريق
 دير من داك دواك.



 
  فتاحي حسناء-الدار البيضاء-المغرب (2012-01-31)




تعليقات:
ياسين /العيون الشرقية 2013-02-16
تحية إلى الأخت الفنانة في رسم الحكم عبر الكلمات، فمزيدا من العطاء وتأكدي أن الكثيرين بانتظار إطلالاتك الشيقة.
البريد الإلكتروني : say0330@hotmail.fr

أضف تعليقك :
*الإسم :
*البلد :
البريد الإلكتروني :
*تعليق
:
 
 
الخانات * إجبارية
 
 


متابعات  |   ناصية القول  |   مقالات  |   سينما  |   تشكيل  |   مسرح  |   موسيقى  |   كاريكاتير  |   قصة/نصوص  |   شعر  |   أقوال و حكم 
  زجل  |   إصدارات  |   إتصل بنا   |   PDF   |   الفهرس

2009 © جميع الحقوق محفوظة - طنجة الأدبية
all    Conception :
Linam Solution Partenaire : chafona, Cinephilia

مجلة الآداب العربي   موقع القصة القصيرة المغربية والعربية   القصة المغربية القصيرة   فن الرواية والقصص الأدبية   أخبار القصة القصيرة   القصة القصيرة جدا   الأدب المغربي   إصدارات ثقافية مغربية   إصدارات ثقافية عربية   موقع الموسيقى المغربية والعربية   أخبار المهراجانات بالمغرب   أخبار السينيما المغربية   الأدب المغربي الحديث   مجلة الآداب   السينما المغربية   الأدب العربي   أخبار الثقافة العربية   آخر الأخبار الثقافية والفنية   أخبار فنية   أخبار فنية عربية  

موقع القصة القصيرة المغربية والعربية
| القصة المغربية القصيرة | فن الرواية والقصص الأدبية