الحُبْ بْنيرانُو كْوَاني.
وْزِيدْت شْهِيتُو.
من نَظْرة..
فْقَلْبْ الحْبِيبْ.
أنا لْقِيتُو.
أنا شُوقي لِيلُو عْمَاني.
وهو..من حُبُو رماني.
بكيت عليه..زاد و خَلَاني.
عُمْري ما لْقِيتُو يْعَاني.
الْحُب عَنْدُو سْريعْ.
يْتْقَاسْ بالثَـــــوَاني.
و الحُب عَنْدِي سْمِيع.
يْتْغَنَوا بيه الأغاني.
كْلاَمُو جْميل يْحْلالو سْماعي.
و فْعْلُو غْرِيب يْزِيدْ سْقَامي.
نْرْفضو أَنا ما نْقدَر.
على فْراقي هو ما يْصْبَر.
(2)
عْلَاشْ اللي أنا حبيتو..
ݣَّاع ما مســــــــــۆل
بْغِيتْ غِيرْ نْعرف
علامن معــــــــــــۆل
ما عاز عليك ..
هذ القلب المذڵــــل
من تصرفاتك نحاول..
نفهم و نعڵـــــــــــل
سباب غيابك المرفوض
نسميه المدڵــــــــــل
أسيدي.. جاوبني..
شوف و حڵـــــــــل
الحب صعيب..
و من حقي راك مقڵل.
(3)
فينك..
فينك .. يا لْحُبْ الْقَاسي.
علِيك أنا..
أنا مَا لْقِيتْ باسي.
واخا قُلْت الحُب.
ما يْدْخُلْ فْلْبَاسي.
لْقِيت راسي.
نْخَالْفْ احساسي.
يا ولد الناس.
أجي نبنوا الساس .
و ما نخَلو لحُبْنا عساس.
ما يْدْخُل فْعْماقْنا الوسواس .
خلينا .. خليـــنا..
نْعِيشو على قد الْقْياس.
تعليقات:
