العالم كلو شافْ
بالواضح يا فهريونْ
ما عندنا لا احترافْ
ولا هم يحزنونْ
بقات فينا غ الرجا
ف التيران كيف الدجاجة
تقاقي وتبيض
ومعها ياسين الحظ
فاخر مسكين مْرض
ما عرف يوقف ولا يكعد
واش غادي نديرو
عطاونا ثمنية لزيرو
ورايس لجامعة ف لبيرو
يطبلْ صباح وعشية
عندنا بطولة احترافية
والعالم كلو شافْ
بالواضح يا فهريونْ
ما عندنا لا احترافْ
ولا هم يحزنونْ
********
جاتْ لبارصا يا سلام
علمتنا كورة القدم
كالت لينا بصحة رمضان
شحال صمتو بالتْمام ؟
كلنا ليها غيرثمْن ايام
كالت لينا مبروك وهنية
باراكا عليكم غير ثْمنْية
هما الكورة عندهم فلسفة
وحنا عندنا نكافة
سمْها جامعة فهرية
طبَلْ كل صباح وعشية
عندنا بطولة احترافية
والعالم كلو شافْ
بالواضح يا فهريونْ
ما عندنا لا احترافْ
ولا هم يحزنونْ
********
دابا عادْ عْرفْتْ بالملموسْ
علاش ولدي عل لبارصا يموتْ
فيها احتراف مدروسْ
فيها فْراجة وبْيوتْ
عندهم بطولة من سْنينْ
مبنية بهدف مْثينْ
فيها علم وتكوينْ
وحنا عندنا بطولة مقهورة
لا خلصة زينة لا كورة
وجامعة فهرية
طبل صباح وعشية
عندنا بطولة احترافية
والعالم كلو شافْ
بالواضح يا فهريونْ
ما عندنا لا احترافْ
ولا هم يحزنونْ
تعليقات:
